KUNDEN​MEINUNGEN

Nadia, Barbara & Dragan aus Uerikon, im November 2018:
 

"Sitm Summer dörfed mir z dritte s Training bim Claudio gnüsse. Mir freued eus jedi Wuche ufs Neue wänn wieder Zischtigabig isch.

Für ois ischs perfekt, dass mir chönd bi eus dihei im Keller trainiere und eusi Tochter i dere Ziit cha pfuse. Im Summer hämer au gern verusse trainiert, sofern dä Grosspapi Ziit gha hüt zum hüete.

 

De Claudio gat sehr ifühlsam uf die einzelne Alige i und het immer e passendi Üäbig parat, fallses eim mal nöd möglich isch mit de andere mit z hebe. Er bout is Training immer wieder Challenges i wo eim so ermögliched a di persönlich Grenze z ga und de Wille uslöst besser wie di andere wele z si.

Ab und zue werded au Spiel mitibezoge was s Training jedes mal abwechsligsriich und spannend macht.

 

Mir freued ois uf witeri Stunde und schätzed sehr dass das Training für ois zu dene Konditione zahlbar isch und empfehleds wärmstens wiiter.

 

Danke Claudio!"

Ronya aus Meilen, im November 2018:
 

"Mitere super Begleitig und vill Wüsse hät mich de Claudio dur die 20 Einzelstunde Personal Fitness duregfüert.
Jedesmal ufs Neue hät er mich miteme Lache begrüesst, au wänn ich no so müed und gschluuchet gsi bin und lieber mitere Tasse Tee im Bett blibe wär...

Abgseh vo däne super faire Priise, macht mär mitenand dä Trainingsort ab, mer chan jederziit mitteile welli Trainingselement und Trainingseinheite mer am liebschte hät, aber er macht natürlich au die womer nöd so gern hät ;) So mueses si!

De Claudio gaht mit mir de Weg woni mir vorgno ha und das alles mit vill Lache, lässiger Musig und eifach gueter Stimmig!

Danke Claudio, vo Tag zu Tag fühli mi besser und gsehni mi lieber wäni in Spiegel luege!

Ich mache witer, diä nächschte Stunde sind bueched!

Es grüesst Euch eh usglichni und fröhlichi Ronya."

TRAINING - FITNESS - ABNEHMEN - GESUNDHEIT - ATHLETIK - FUNCTIONAL TRAINING - RUNNING

  • Weiß Facebook Icon
  • Weiß Instagram Icon

© 2020 by Zürisee Fitness